DAVAO CITY – Nagpadayon ang monitoring sa Provincial Disaster Risk Reduction and Management Council (PDRRMC) kauban ang mga counterpart niini sa mga lungsod ingon man mga ahensya sa gobyerno ngadto sa tanang high-risk areas sa posibleng epekto sa bagyong Auring.
Kahinumdoman nga naka angkon ang munisipalidad sa Baganga, Davao Oriental og mga nangatumba nga kahoy gumikan sa kakusog sa hangin nga dala sa bagyong Auring.
Hinuon, gipangunahan sa mga Barangay officials ang gipahigayon nga clearing operation sa mga natumba nga punoan sa kahoy ingon man debris sa Barangay Mahan-ub ug Palinda, Barangay Binondo munisipalidad sa Baganga.
Gawas niini, Kahinumdoman nga nakatala og dyutay nga pagdahili sa yuta ang daplin sa dalan sa Purok 8, Brgy. Tubo-tubo, Monkayo Davao de Oro kagahapon.
Hinuon dili kini grabe apan nagpahimangno ang Provincial Disaster Risk Reduction Office (PDRRMO) nga kinahanglan magbinantayon aron nga malikayan ang disgrasya.
Gawas niini, nakatala usab og landslide ang Purok 4, Sitio Campanggang, New Manay, Maragusan, Davao de Oro partikular na ang Maragusan paingon sa Mawab Road.
Kasamtangan, mamahimo na nga maagian ang pipila ka dalan sa nasampit nga lalawigan tungod nagpahigayon na sab og clearing operation.
VIA // Kiez Guipitacio
