DAVAO CITY – Gisurpresa sa kalit kalit nga mandatory drug test ang mga personahe sa Philippine Drug Enforcement Agency kon PDEA XI. Nanguna mismo si PDEA XI Regional Director Aileen Lovitos sa mga nagpaubos sa drug test nga gipahigayon sa Camp Capt. Domingo E Leonor, San Pedro Street, Davao City, pasado alas 3 sa hapon.
Ang gilusad nga drus test subay sa pagpatuman sa Article III Section 36 Paragraph (e) sa Republic Act otherwise known as The Comprehensive Dangerous Drugs Act of 2002, gimandato ang tanang opisyal og myembro sa law enforcement offices nga mupailawom sa mandatory drug testing.
Subay sa resulta, nasuta nga puros negatibo sa illegal drugs ang 161 ka personahe nga ipailawom sa drug test. Kampante usab ang PDEA XI sa resulta arun matod pa masigurong walay gagamit og illegal nga druga sa ilang mga sakop.
