DAVAO CITY – Gipasabot sa ahensiya sa Philippine Drug Enforcement Agency (PDEA) 11 kung nganong kinahanglan nila nga ipailalom ang mga intern students sa random drug test.
Kahinumduman nga ubay-ubay ka mga estudyante gikan sa usa ka unibersidad ang gipailalom sa PDEA sa drug test kini aron masiguro nga samtang wala pa sa pagpangatungdanan ang mga nahisgutan, magsilbi sila nga modelo ngadto sa uban.
Laraw sab niini nga mapabilin nga limpyo ang ilang han-ay ilabi na nga ang PDEA 11 maoy ahensiya nga nanguna sa pagpakgang sa ginadili nga druga.
Sumala pa kang Noli Dimaandal, tigpamaba sa PDEA-11 nga kung ugaling adunay estudyante nga magpositibo sa ginadili nga druga makiglambigit sila sa tulonghaan aron nga matabangan kini nga makalikay sa maong bisyo.
Hinuon, sukad sumala pa nga nagdawat sila og mga intern students wala pa silay natala nga nagpositibo sa paggamit og ginadili nga druga.
Pahayag ni Philippine Drug Enforcement Agency (PDEA) 11 spokesperson Noli Dimaandal.
