DAVAO CITY – Nagpadayon karon ang ahensiya sa Philippine Drug Enforcement Agency (PDEA) 11 sa pagbisita sa mga tulonghaan aron nga magpahigayon sa ilang Harm and Drug Demand Reduction Campaign aron nga mahatagan og dugang kaalam ang mga estudyante kung unsa ang dautan nga epekto sa paggamit og ginadili nga druga.
Kahinumduman nga nagdala pa og mga sample sa illegal drugs ang mga personahe sa PDEA aron nga mapakita sa mga estudyante ug mapasabot nga kinahanglan nga likayan ang nagkadaiyang klase sa ginadili nga druga.
Sumala pa kang Noli Dimaandal, Information officer sa PDEA-11, magpadayon ang nahisgutan nga lakang sa ahensiya diin ilang bisitahon ang mga tulonghaan aron nga mapasabot sa mga kabataan ang makahinungdanon sa paglikay sa bisan unsa man nga klase sa illegal nga druga.
