DAVAO CITY – Gipasalig sa Philippine Drug Enforcement Agency (PDEA) 11 nga magpadayon ang ilang pakiglambigit sa mga munisipalidad ingon man mga Barangay sa Davao region alang sa mas hugtanon nga kampanya batok ginadili nga droga.
Una ng gibutyag sa ahensiya nga anaa sa unom ka mga Barangay sa Laak Davao de Oro ang gideklara karon isip drug cleared barangay gumikan sa mga programa nga ilang gipatuman aron lamang walay mga indibidwal nga malambigit sa susama nga aktibidad sa ilang tagsa-tagsa ka mga lugar.
Ang nahisgutan nga barangay ang gilangkuban sa Belmonte, Aguinaldo, Concepcion, Mangloy, Melale ug Sta. Maria.
Kalakip sab sumala pa sa mga kwalipikasyon aron nga ideklarang drug cleared ang usa ka Barangay mao ang tukma nga intervention niini sa mga drug personalities, pagpatuman sa drug free work place ug daghanan pa.
Gawas sa PDEA, una na sab nga nagpasalamat ang Local Government Unit (LGU) sa Davao de Oro sa gihimong pagpaningkamut sa mga barangay nga sakop sa lalawigan aron lamang batukan ang illegal nga droga.
