DAVAO CITY – Nakaheightened alert na karong ang Philippine Coast Guard (PCG) Southern Mindanao gumikan sa gilauman nga dagsa sa mga beach goers atol niining nagsingabot nga Holy Week.
Tumong sumala pa niini nga maseguro nga luwas ang ilang biyahe sa kadagatan. Sumala pa kang Coast Guard District Southeastern Mindanao (CGDSEM) information officer Michell V. Ursabia nga daghanan nga mga Coast Guard personnel ang ipahimutang sa nagkada-iya nga bahin sa pantalan ug wharves bisan wala pa ang Holy Week.
Gawas sa pagseguro sa mga seguridad sa mga pasahero, ginamonitor sab sa Coast Guard ang kadagatan batok sa hulga sa mga terorista.
Mas alerto karon ang PCG labi na nga bag-ohay pa lamang gayud ang natigayon nga pagpamomba sa Isulan, Sultan Kudarat, hinongdan nga si Commodore Roy A. Echeverria, Commander sa PCG, mitahas sa iyang mga ginsakpan nga mas pahugtan ang ilang seaborn ug coastal patrols ug imentena ang paghigpit sa ilang pagmentena sa seguridad sa ilang area of responsibility.
Ang Holy Week, nga magsugod sa Abril 14 hangtud sa 20, mao ang pinaka-busy nga semana sa tuig gumikan sa dagsa sa daghanan nga mga nagabiyahe, labi na sa dihang ang mga tawo manguli ngadto sa ilang tagsa-tagsa ka mga lalawigan.
Sama sa uban nga units, ginadoble sab sa ang pagpahimutang sa ilang mga personahe ug assets sa mga strategic locations ug gipahugtan ang seaborne, coastal ug foot patrols 24/7.
Awhag lamang sa PCG sa publiko nga makig-alayon sa ilang ipatuman nga security measures.
Gidasig sab nila ang mga beach goers, nga mo-sumite sa ilang kaugalingon ngadto sa inspection ug tamdan ang pahimangno sa mga otoridad.
