DAVAO CITY – Nagpahimangno ang Philippine Coast Guard (PCG) nga likayan ang una ang paglawig sa bangkang panagatan aron nga malikayan ang pagka-unlod gumikan sa kusog nga balaod ngfa hatud sa southwest monsoon o Habagat.
Tipik lamang kini human ang insidente sa kusog nga monsoon waves nga maoy hinungdan nga daghanang mga residente daplin sa kadagatan sa dakbayan ang apektado.
Sumala pa kang PCG Davao Station Commander Commodore Garry D. Laynesa, gi-alerto na nila karon ang mga mananagat sa mga posibleng mahitabo sa higayon nga molawig sila sa Davao Gulf panahon nga taas ang balod.
Hinuon gitino sa ahensiya nga wala nila gikansela ang bisan unsa man nga biyahe ilabi na patabok sa isla sa samal.
Gitino sab sa PCG nga ayha sila mo-isyu ug suspensiyon sa mga biyahe, nakiglambigit una sila sa Philippine Atmospheric, Geophysical, and Astronomical Services Administration’s (Pagasa) alang dagan sa kahimtang sa panahon.
