DAVAO CITY- Mapasalamaton si Police Regional Office XI PBGen. Nicolas Torre III sa tanang mga miyembro sa Philippine National Police nga mitabang alang makasurrender sa Kingdom of Jesus Christ Pastor Apollo C. Quiboloy.
Sumala kay Torre, dako ang nahimong sakripisyo sa mga pulis aron masikop lamang ang maong puganteng pastor, ilabi pa ug matud pa dugay-dugay usab ang nahimong komprontasyon ang maong operasyon.
Nagkomedya pa pag-ingon ang maong opisyal nga siya na ang bahala sa lechon ug banda, human ang matawag nga kalampusan sa operasyon batok kay Pastor Quiboloy.
Kahinumdumang una ng gisulayan sa mga kapulisan sa isilbi ang warrant of arrest ngadto kay Pastor Quiboloy niadtong Hunyo 10 apan wala kini sila milampos human silang giharang sa mga miyembro sa KOJC ug miabot pa sa pisikalan.
Samtang sa pikas bahin, naglipay-lipay ang libuang mga kapulisang nadestino sulod sa KOJC Compound human kini silang gi-pull-out na gikan sa maong dapit og gipabalik na ngadto sa PRO XI headquarters sa Camp Catitipan, ning dakbayan sa dabaw.
Sa mga migulang mga hulagway og videos, makita gayud ang kalipay sa mga kapulisang nakapahulay na human ang desi-sais ka adlaw nga pagsilbi og warrant of arrest batok sa Pastor Quiboloy ug mga kauban niining akusado.
Makita usab ang mga kapulisan nga naglipay-lipay pinaagi sa pag-inom og ilimnong makahubog, pagsayaw-sayaw ug pagkanta-kanta na usab.
