DAVAO REGION- Pormal na nga gipulihan ni PBGen Nicolas D Torre III si PBGen Alegre Martines, isip bagong Regional Director sa Police Regional Office XI, kagahapon, Hunyo 16, ning tuig kasamtangan.
Sumala pa ni Torre, ang bagong regional director, nga laraw niining mas tagaan og pagtagad ang PNP Mission, partikular na ang pagpalambo sa three-minute response, diin dakong tabang gayud alang sa mas paspas nga pagtubang sa panginahanglan sa katawhan dinhi sa Davao Region.
Dugang pa sa opisyal nga nakaandam na kini sa bisan unsa mang mga pagsulay nga posible niining maatubang atol sa iyang pag-pangatungdanan.
Samtang, wala usab niini diritsahang gitubang ang pangutana nga ang hinungdan sa pagbalhin niini mao ang pakyas nga pagkasikop kay Pastor Apollo Quiboloy sa nakalabay nga regional director.
Kahinumduman nga gi-reassign si kanhi PRO XI Regional Director PBGen Alegre Martines, gumikan matud pa sa pakyas niining pagdakop sa gipangitang pastor.
Hinoon, gipasalig ni Torree ang pagpadayon sa nasugdan ug naantala nga mga mission sa niaging regional director, kalakip na ang laraw nga mabalik ang pagsalig sa katawhan ngadto sa mga kapulisan.
