DAVAO CITY- Gibarugan ni PRO XI Director, Police Brigadier General Nicolas Torre III nga magpadayon ang ilahang operasyon pinaagi sa pagsilbi sa warrant of arrest batok kang Pastor Apollo Quiboloy sulod sa KOJC compound sa Catitipan, Buhangin ning dakbayan sa Davao.
Sumala pa sa nahisgutan nga ilahang ipadayon ang pagsusi sa matag suok sulod sa 30 ka ektarya nga compound aron madakpan ang nagtago-tago nga Pastor.
Karong hapon, subling gisulod sa kapulisan sa pagpanguna nni Gen. Torre ang compound gumikan adunay pipila pa ka mga ga istruktura a ang ilahang ng subayon nga posibling gitaguan ni Quiboloy.
Una ng gibutyag sa opisyal nga aduna silay nadaat nga info nga anaa kini magtago sa sulod sa KOJC Compound. Apan una na kining gilimod ni Atty. Torreon nga anaa pa sa sulod si Quiboloy.
Dugang pa ni Brigadier General Nicolas Torre III nga target nila nga sudlon ang mga secret room sa building nga sa karon anaa pa lamang sa 1/4 ang ilang nasubay, sa 40 ka mga building sa KOJC.
Gipanganti niini nga dili sila mohawa sa lugar kung dili niini madala o madakpan si Pastor Quiboloy.
