DAVAO CITY- Gihagit karon ni PRO XI Regional Director PBGen. Nicholas Torre III si Pastor Apollo Quiboloy nga magpakita na lamang sa mga otoridad inay nga pasagda ang mga meymbro niini nga modepensa kaniya.
Sumala pa sa opisyal, karon matud pa ang saktong panahon aron ipakita sa pastor ang iyang pagka-leader lakip na ang pag-claim nga Appointed Son of God.
Nahimong basehan sa opisyal ang mga pagpanigkamot sa mga KOJC members nga magpainit ug andam gayud modepensa sa pastor luyo paman sa kamatuoran nga kini dapat ang angay moprotekta sa iyang mga ginsakpan.
Sumala pa ni Torre, walay angay kahadlokan ang pastor kung boot huna-hunaon sanglit aduna kiniy mga maayong lawyers nga andam moprotekta kaniya sa korte.
Nahimo pang pananglitan sa opisyal ang pag-atubang sa lima niini ka mga kaubanan ug dayong nakapyansa.
Sigon ni Torre, kung nahimo kini sa iyang mga kaubanan, walay rason ang pastor nga dili sab kini mabuhat.
Ning kasamtangan, presumed innocent gihapon ang pastor until proven guilty rason nga dili dapat kini mahadlok hilabi pa kung wala gayud kini gihimo nga daotan.
Sa kinaulahian, gipasabot ni Torre ang kamatuoran nga kinahanglan gayud i-implement ang warrant of arrest sanglit existing kini ug mando gayud sa korte, rason nga dili maundang ang maong sitwasyon gawas lamang kung magpakita ug mo-atubang na kini.
