DAVAO CITY- Dako ang posibilidad nga nagtago sa ilawom sa yuta si Kingdom of Jesus Christ (KOJC) leader Pastor Apollo Quiboloy.
Kini ang gibutyag ni Police Regional Office 11 Director PBGen. Nicolas Torre III human sa gihimong pagsulod ug pagapangita sa 30 ka mga ektarya sa compound sa KOJC.
Sumala pa kang Torre, sa kalapdon sa compound sa KOJC dili malimod nga adunay ‘secret tunnel’ kini alang sa ilahang seguridad.
Nakahimo kini sa pagbalhin, apan adunay posibilidad nga kini ang usa ka lokasyon sa ilawom sa Yuta.
Luyo sa 24 ka oras nga pagpangita sa KOJC compound, pakyas pa gihapon ang mga pulis nga madakpan si Quiboloy.
Sumala pa ni Torre, magpabilin nga naka-standby sa lugar ang mga pulis ug nagtrabaho sa shifting sa pagpangita kang Quiboloy.
Giangkon sab ni Torre, dakong hagit sa mga searching team ang kalapdon sa nasampit nga mga indibiduwal nga anaa sa KOJC Compound.
Adlaw-adlawon sumala pa niini ang pagpangita ilabi pa nga nasinati na nila ang layout sa lugar.
Anaa pa sa 1/4 pa lamang sa lugar ang nasubay sa mga pulis.
Samtang gipaklaro sab ni PNP Public Information Office chief ug Spokesperson PCol. Jean Fajardo nga ang pagsulod sa mg otoridad dili kabahin sa sekta o simbahan ug dili kini pagtuo sa ilahang religious freedom.
Buot lamang nilang isilbi ang warrant of arrest nga giisyu sa korte batok kang Quiboloy.
