DAVAO REGION- Mibisita si PBGEN LEON VICTOR ZAMORA ROSETE, ang Acting Regional Director sa Police Regional Office 11, sa Davao City Police Office kagahapon sa buntag.
Kini ang kabahin sa iyahang command visit sa nagkadaiyang headquarter sa kapulisan dinhi sa rehiyon nga tumong mao ang pagpalig-on sa liderato mahitungod sa public safety ug pagpatunman sa balaod sa rehiyon.
Atol sa iyahang pagpamulong gihatagan ug importansya sa heneral ang pagpukos sa priority areas aron nga makunhuran ang krimen, crime rate, ilabi na ang walo ka mga focus crimes.
Gipasabot sab niini ang mga responsibilidad sa tanang station commanders.
Usa sab sa hatagan niini ug pagtagad ang kampanya batok sa iligal nga droga, iligal nga sugal, loose firearms, ug pagdakop sa mga Wanted Persons.
Buot sab niini nga ipatuman ang Search Warrant operation nga usa sa key operational priority sa iyahang administrasyon.
Iyaha sab nga gipahinumduman ang nga kapulisan nga motamod sa lagda sa balaod sa ilahang pagserbisyo.
Si PBrig. Rosete ang bag-uhay lamang nga gipuli kang PBrig. Torre isip labaw sa PRO-11.
