Gikatakdang mupasaka og kaso si Criminal Investigation and Detection Group (CIDG) chief PBGen. Nicolas Torre III sa mga mibahad sa iyaha ug sa mga pulis atol sa pagpangita kang KOJC leader Pastor Apollo Quiboloy.
Kasong direct assault ang kasong ipasaka batok sa mga miyembro sa KOJC members nga nanghulga, nang-harass sa iyang pamilya, mga ginsakupan sa kapulisan ug pipila ka mga magsisibya samtang gipahigayon ang sobra 2 ka semanang pagpangita sa televangelist.
Sumala pa kang Torre, personal niyang gipasaka ang kaso gumikan personal na matud pa ang pagpangatake sa iyaha ug sa mga pulis.
Gani, ‘over the bakod’ na ang pagpanghulga gumikan giapil na matud pa ang mga anak ug mga asawa sa mga pulis.
Hinoon, nakasabot matud pa kini sa mga miyembro sa KOJc, apan di matud pa sakto nga idamay ang ilang pamilya.
Nakadawat sab matud pa og ‘hate message’ ang iyang anak pinaagi sa social media rason nga mibahad kini nga mangandam na ang mga indibidwal nga mibuhat sa pagpanghulga gumikan idayon gayod niini ang pagpasaka og kaso.
