Gibalibaran ni Pangulong Ferdinand Marcos Jr. ang panawagan sa iyahang kanhing Executive Secretary nga si Atty. Vic Rodriguez nga mupailawom kini siya sa usa ka hair follicle drug test.
Gipaklaro sa pangulo nga wala sumala pa kini kalabutan sa gikaingong public trust ug public service isip pangulo sa nasud.
Una nang gipanawagan ni Atty. Vic Rodriguez nga kinahanglan na sumala pa nga mupailawom sa hair-follicle drug test ang Pangulo, aron nga matubag na sumala pa ang mga isyu nga ginalambigit ngadto kaniya nga nagagamit sumala pa kini og iligal nga droga.
Subay sab kini sa mikatag nga polvoron video niadtong nakalabayng tuig diin nakita nga migamit ang usa ka lalake nga kanawong sa Pangulo og iligal nga droga.
Apan, una na sab kanang gihimakak sa Malakanyang ang maong pasangil, ug gitawag kining usa sumala pa ka pagpangdaot lamang, gumikan ang mikatag nga polvoron video, usa lamang ka AI generated.
