Nagpasalamat si Pangulong Ferdinand Marcos Jr., ngadto kang Oman Sultan Haitham Bin Tarik ug sa iyahang gobyerno alang sa malampuson nilang mediation o pakig-istorya aron nga mahatagan og kagawasan gikan sa kamot sa mga rebeldeng Houthi ang 17 ka mga Filipino seafarers nga mga crew sa MV Galaxy Leader sa Red Sea, niadtong Nobyembre 2023.
Gidayeg usab ni Marcos ang mga ahensya sa gobyerno sa Pilipinas lakip usab ang mga private instrumentalities nga walay tiaw nga nakigtinabangay sa foreign governments ug entities aron nga mahatagan og kagawasan ang mga pinoy human ang 429 ka adlaw nga gibihag sa mga rebelde.
Una nga gikumpirma ni Marcos nga gibuhian na ang 17 ka mga Pinoy seafarers.
Ang mga pinoy seafarers maoy anaa na usab karun sa pag-atiman sa Philippine Embassy sa Muscat, Oman. Sa kasamtangan, ginaproseso na ang pagpabalik sa nasud sa mga nahisgutang mga Filipino seafarers.
