Giimbitahan ni Pangulong Bongbong Marcos ang mga Pilipino nga mosalmot sa pag-obserbar sa Earth Hour karong gabhiona gikan alas 8:30 hangtod alas 9:30 sa gabii, pinaagi sa pagpalong sa mga suga ug electrical appliances sulod sa usa ka oras.
Gina-engganyo usab sa Presidente ang tanang Pilipino nga mag-adopt og mga paagi aron makadaginot sa enerhiya, ilabi na karong giatubang nato ang krisis sa enerhiya sa nasud ug sa ubang bahin sa kalibutan.
Pinaagi sa sustenableng pamaagi sa paggamit ug pagtipig sa enerhiya, makatabang kita sa pagpanalipod sa atong planeta nga atong gipuy-an nga mao ang kalibutan.
Kini usab nga kalihokan ang usa ka husto nga panahon aron mamalandong dili lamang kabahin sa climate change ug pagpanalipod sa kinaiyahan, kondili lakip na sa kamahinungdanon sa pagdaginot sa enerhiya taliwala sa krisis nga nasinati karonh panahuna.
