Misaka sa 71 percent ang trust ug performance ratings ni Pangulong Ferdinand Marcos Jr. gikan sa 69 percent niadtong unang quarter ning tuiga.
Subay sa latest OCTA Research Tugon ng Masa survey sa ikaduhang quarter sa 2024, mikunhod sa 65 percent ang trust rating ni Vice President Sara Duterte nga gikan sa 68% sa unang kwarter sa 2024.
Sumala sa OCTA, kini na ang ikaduhang higayon nga pag-ubos sa trust rating ni VP Sara sukad Disyembre 2023 ug unang pag-angat sa trust ni PBBM.
Samtang, anaa sa 68 percent ang nagkanayon nga sila ang satisfied sa performance ni PBBM, mas taas ug 3% sa 65% niadtong nakalabay nga quarter.
Ang performance rating sab ni VP Sara ang miubos sa 60% gikan sa 64%.
Nakakuha si Marcos ug labing taas nga trust ug performance sa Balance Luzon nga 80% ug 74% ug labing ubos ang nakuhang trust ug performance sa Mindanao nga 56%.
Nakuha sab ni Sara ang labing taas nga trust ug performance sa Mindanao nga 95% ug 92%. Samtang sa Balance Luzon ang labing ubos nga trust ug performance nga 52% ug 42%.
Sa socio-economic class, nakadawat si Marcos ug taas nga trust ug performance ratings sa Classes ABC, 74% ug 71% samtang labing ubos sa Class E nga adunay 66% ug 64%.
Nakakuha sab si Sara ug taas nga trust ug performance sa Class E, 68% ug 65% samtang ang labing ubos sa Class ABC, 64% ug 56%.
Ang survey gipahigayon sugod June 30-July 5, 2024 pinaagi sa face-to-face interviews sa 1,200 adult Pinoys nga edad 18-anyos pataas.
