DAVAO REGION- Misaad si Pangulong Ferdinand Marcos Jr. ngadto sa mga magsasaka ug mga mananagat sa Davao del Norte nga dili kini sila pasagdan sa gobyerno atol sa mga hagit sa El Nino Phenomenon nga naka-apekto sa ilahang panginabuhian.
Sa menasahe niini, gibutyag sa Pangulo nga nasubo kini nga makita ang dakong damyos sa pananum og isdaan tungod sa grabehang nasinatian sa ting-huwaw.
Gitambungan sa Pangulo kagahapong adlawa ang pag-apud-apud sa Presidential assistance sa Davao del norte Sports Complex sa Tagum City kon diin 3,593 ka mga mag-uuma ang nakadawat og ayuda.
Subay sa datos, kapin usa ka libo nga pamilya gikan sa desi sais ka mga barangay sa Davao Region ang ilabihang naapektuhan sa El Nino kon diin anaa sa 50 million pesos ang gibana-banaang damyos.
Dugang pa sa Pangulo nga gina-ndam sa gobyerno ang tanang klase sa tabanf alang sa apektadong mga residente, kon diin dul-an napulo ka libo nga mga pamilya gikan sa tanang mga probinsya sa Davao Region ang nakadawat og tig dyes mil pesos matag-usa.
Dul-an dyes milyones pesos usab matud pa ang kantidad sa assistance ang gipang-apod-apod sa Davao del Norte lakip na niana ang rice combine harvesters, floating tillers, walk behind transplanters, ug four-wheel tractors nga ihatag ngadto sa Purok 4 Anibongan Carmen Irrigators Association.
Samtang, anaa usab sa traynta ka mga bangka ang ipanghatag sa mga mananagat, gawas pa sa 60 million pesos nga ayuda sa tibuok Davao Region.
