Gibutyag ni Pangulong Ferdinand Marcos Jr. nga nasayod na kini kung si kinsa ang nagpaluyo sa pag-ikyas ni dismissed Bamban Mayor Alice Guo.
Kini ang gikanayon sa Pangulo human sa gipahigayon nga paghinabi ngadto kaniya.
Dugang pa ni PBBM nga sa karon nagpadayon ang gihimong imbistigasyon sa Department Of Justice sa mga personahe sa Bureau of Immigration.
Samtang sa lahing bahin, gikanayon sa tigpamaba sa Presidential Anti-Organized Crime Commission (PAOCC) nga si Winston Casio nga kinahanglan magsugod sa mga law enforcement agency ang imbestigasyon sa pag-ikyas ni Alice Guo kauban ang ubang mga indibidwal nga nalambigit sa iligal nga operasyon sa Philippine Offshore Gaming Operators.
Gumikan hugot nga gituohan ni Casio nga adunay pagpabaya sa mga ahensya nga nagtutok sa kaso ni Alice ug sa operasyon sa POGO sa kinatibuk-an.
Matod usab niya nga maayong imbestigahan ang tanang ahensya nga nagtutok niini, apil na ang PAOCC nga mao’y usa sa mihimo sa pagsulong sa duha ka dagkong POGO sa Bulacan ug Pampanga.
Gitawag usab ni Casio nga nagtinanga sumala pa ang tanang anaa sa pagpatuman sa balaod tungod sa wala pagtan-aw kung unsa ang mahimo sa gitaktak nga mayor.
Gibutyag ni Casio, ang PAOCC kaniadto nakadawat og impormasyon bahin sa giingong pag-eskapo ni Guo sakay sa duha ka speed boat.
Ilang nadawat ang maong rebelasyon usa ka oras sa wala pa ang pagsuway pagsilbi sa warrant sa kanhi mayor sa wala matinong dapit.
