DAVAO CITY- Anaa na sa state of decomposition sa dihang nakaplagan ang patayng lawas sa usa senior citizen kilid sa sapa didto sa Purok 1, Brgy. Daliaon Plantation, Toril, ning dakbayan, atong nakalabayng adlaw.
Giila ang patayng lawas nga si Candida Lactise, 77 anyos, residente sa maong lugar. Sumala pa sa nakakita nga si Ronald Ambong, residente sa maong dapit nga samtang naglakaw kilid sa sapa ang iyang anak kauban ang iyang pag-umangkon, kalit matud pa kining nakasimhot og dili maayong baho rason nga gilayon kini nilang gitaho sa mga otoridad.
Didto na nasuta ang patayng lawas nga anaa sa may daplin sa sapa ug anaa na sa state of decomposition.
Mismong igsuon ni Candida ang nikumpirma sa iyang identity diin sumala pa nilakaw sa ilang panimalay kaniadto pang Hulyo 2, 2024 ug wala na nakabalik pa.
Dugang usab niini nga adunay dementia ang iyang magulang rason nga wala na matud pa kini nakatuod pagbalik.
Hinoon, walay nakitang foul play sa maong insidente.
Ning kasamtangan, gipahiluna na ang patayng lawas sa maong indibidwal.
