DAVAO DEL SUR- Gipahiluna na sa iyahang kabanay ang patay nga lawas sa usa ka 47-anyos nga construction worker nga si Ramil Dulay human nga nakaplagan sa mananagat kagahapong adlawa.
Sa report sa kapulisan milungtad pa sa duha ka oras ang paghaw-as sa patay nga lawas sa biktima human nga nakit-an kini nga naglutaw sa kadagatan nga bahin sa Brgy. Coronon, Sta. Cruz Davao Del Sur alas 5:45 sa hapon.
Dali kining gidala sa Socsargen Funeral Home, Sitio Patolangon, Brgy Zone 1, Sta. Cruz, Davao del sur.
Nasayran nga atol sa adlaw nga nakita ang patay nga lawas sa biktima, mao sab kini ang iyahang adlaw nga natawhan.
Una ng gikareport sa mga otoridad nga ang biktima aksidente sumala pa kining nahulog sa sapa niadtong miaging adlaw atol sa kusog nga bundak sa ulang nga miresulta sa pagbaha.
Una ng gikumpirma sa igsuon sa biktima nga niadtong tungura nakig-inom kini sa iyahang kaubanan sa trabaho, ug kalit lang sumala pa nga nagkalalis kini sa iyahang asawa.
Ug taud-taud sumala pa niadtong tungura nabantayan sa biktima nga nangaanod na ang iyahang mga pinutol nga kahoy nga gigamit niini sa construction.
Human niini dali nga miadto sa sapa ang biktima ug gisulayan sa pagkuha ang mga binugha.
Apan gibadlong kini sa mga tawo nga nga nagtan-aw sa baha niadtong tungura ug gisinggitan nga mopahawa sa nahimutangan niini apan wala kini paminawa inay gihubo niini ang sanina ug nagpadayon kini sa pagsubay sa kilid sa sapa nga naidtong tungura kung ang bul-og sa tubig baha.
Samtang gikuha sa biktima ang naanod nga pinutol nga kahoy nga anaa sa tubig, aksidente kining nahulog ug naanod sa sapa. Gilayon nga girespondehan ang maong panghitabo uban ang rescue team sa Brgy. Coronon apan pakyas kini nga makita ang biktima.
