DAVAO CITY- Nagbuy-od ng nakaplagan ang usa ka 63 anyos nga lalaki ubos sa may overpass sa may Cabaguio Avenue, kilid sa Assumption College, ning dakbayanan, kaganinang buntag.
Giila ang biktima nga si Sixto Lacorte, 63 anyos, residente sa Zone 5, San Vicente, Buhangin, Davao City.
Sa inisyal nga imbestigasyon, alas kwarto sa buntag, nakadungog og buto ang pipila ka mga residente sa nahisgutang lugar, apan wala kini nila panumbalinga gumikan nagtoo lamang sila nga buto kini sa ligid sa sakyanan.
Apan dakong kurat na lamang usab sa mga katawhan sa dihang nakaplagan ang patayng lawas bandang alas sais sa buntag nga aduna pay pusil nakapatong sa lawas niini.
Sa nahimong pakighinabi usab sa Bombo Radyo Davao ngadto sa igsuon sa biktima, igo lamang nananghid ang biktima nga mosimba ug wala nila damha nga ingon ani ang mahitabo kaniya.
Dugang usab niini nga daan nang adunay gihambin nga sakit nga cancer si Sixto ug gani mao kini ang rason nganong naundang kini pagka security guard kaniadtong tuig 2022.
Sa karon, padayon pang gina imbestigahan sa mga otoridad ang maong insidente, ingon man ang anggulo nga paghunos niini sa iyang kinabuhi.
Ning kasamtangan, anaa na sa punerarya ng patayng lawas sa biktima.
