DAVAO CITY- Nakaplagan ang patay nga lawas sa usa ka lalaki sulod sa bakanteng lote kaganihang buntag.
Subay sa report sa kapulisan pasado alas otso ang takna kaganihang buntag napalgan ang patay’ng lawas sa Sitio Golf, Brgy.Tamugan, Marilog District ning dakbayan sa Davao.
Sa gihimong imbistigasyon sa Marilog PNP, giila ang biktima nga si Roy Amulong, 41-anyos nga residente sa Sitio Mapawa, Maragusan, Davao de Oro.
Nasayran nga niadtong pang Hwebes nakabsan sa kinabuhi ang biktima pasado alas onsi ang takna sa gabii.
Sumala pa sa mga nakasaksi sa maong panghitabo, usa ka Mark Sabuan, 20-anyos nga residente sa Sitio Pagalungan, ang midunggab sa biktima ug human sa maong panghitabo gilubong kini sa suspek sa luna nga gipanag-iyahan ni Ronelo Celez.
Sa pagkakaron nagpadayon pa ang pangpangita sa kapulisan sa batan-on nga suspek aron nga madakpan.
Ginasuta sab kung unsay motibo sa suspek sa pagpatay niini sa 41-anyos, apan gidudahan kini sa mga nakasaksi ug sa mga otoridad nga adunay personal nga bikil ang mga nahisgutan.
