Napatay sa gilusad nga drug buy bust operation sa mga sakop sa Sta. Ana PNP sa Room 316, Anitap Lodge nga nahimutang sa Quezon Boulevard, Brgy. 22-C, Davao City ang usa ka 20 anyos nga lalaki.
Naila ang dinakpan nga si MICO MIHORADA FERRER, ulitawo, walay trabaho ug residente sa Purok San Vicente, Brgy. 22-C, Davao City.
Sa imbestigasyon sa kapulisan, nagpa-ila nga poseur buyer ang kapulisan nga anaa sa Room 316, Anitap Lodge sa Quezon Boulevard, Brgy. 22-C, Davao City dihang nanuktok si alyas Mico ug misulod sa lawak.
Positibo nga nalambigit sa ginadili nga droga ang dinakpan diin nakuha sa posisyon niini ang pakete sa ginadili nga droga bugti sa buy-bust money.
Dihang nagpa-ila nga sakop sa kapulisan, kalit nga ,mibunlot sa iyang .38 caliber revolver ang suspek ug giti-on ngadto sa kapulisan hinungdan nga napugos ang usa sa mga pulis sa pagpusil sa suspek tumong sa iyang likod.
Dali sab dayon nga gidala sa Southern Philippine Medical Center ang suspek aron patambalan apan nakabsan kini sa iyang kinabuhi.
Dihang gihiling ang lawas ni alyas Mico, narekober sa posisyon niini ang pakete sa ginadili nga droga ingon man kuwarta nga kantidad sa Php 1000.00-peso bill ingon man cellphone.
Gikanayong ang nahisgutan nga shabu mitimbang ug 0.5050 grams nga nagkantidad ug PhP15,000 pesos.
Tanan nga mga ebidensiya ang anaa karon sa kustodiya sa kapulisan alang sa tukma nga disposisyon.
