DAVAO CITY- Misurrender na si Kingdom of Jesus Christ Pastor Apollo Quiboloy ngadto sa Intelligence Service of the Armed Forces of the Philippines karong gabie.
Sumala pa nga mismong kay Major General Edmundo Peralta, commander sa ISAFP misurrender ang maong pastor ug mga kaubanan niini sulod sa KOJC Compound.
Kahinumdumang miabot sa desi-sais ka adlaw ang pagpundo sa libuang mga kapulisan sulod sa KOJC Compound.
Samtang sa pikas bahin, ang kauban nila Pastor Apollo Quiboloy ug Atty. Israelito sa mikatag online nga hulagway mao si Police Brigadier General Romeo Macapas ang hepe sa PNP Intillegence Group .
Sumala pa nga nakita ang maong opisyal nga misulod sa KOJC compound bandang alas singko sa hapon ug pipila lamang kaminuto ang milabay, nakita na ang 9 ka mga sakyanang pagawas gikan sa hangar sa KOJC ug padulong ngadto sa Tactical Operations Group kon TOG XI.
Sumala pa nga bandang alas 6 sa gabie, anaa na sa C-130 si Pastor Quiboloy, General Macapas, Atty. Torreon ug Major General Edmundo Peralta.
Pagpaklaro usab nga sukwahi sa gituuhan sa mga kapulisan, wala sa mismong compound mitago si Pastor Quiboloy apan sumala pa sa usa kini sa exclusibong subdivision mitago.
Ginatuuhan usab karon nga ang maong pagsurrender ni Pastor Quiboloy ang adunay blessing gikan kay Former President Rodrigo Duterte.
Sumala pa nga interesado gayud kay Pastor Quiboloy ang senado sa pilipinas, Philippine National Police ug ang US Federal Court maong sumala pa didto sa mga kasundaluhan misurrender ang maong mga indibidual.
