Nagatuo karun ang mga supporters ni KOJC Spiritual Leader Pastor Apollo Quiboloy, nga siya matud pa ang senador nga alang ngadto sa mga kabus.
Sumala pa ni Atty. Mark Tolentino, ang usa sa mga legal team sa KOJC nga mudagan sumala pa ang maong pastor tungod ug alang sa Ginoo ug alang usab sa nasud Pilipinas.
Dugang pa niini nga si Pastor Quiboloy ang mmahimong senador alang na usab sa mga yanong pilipino ug tingog sa mga magbubuhat sa nasud.
Sigun pa nga dali lamang usab sumala pa kini duolan ug labaw sa tanan nga nagatinguha kini nga mapatuman ang zero corruption, gumikan makita sab sumala pa niini og unsa kini mudumala si Quiboloy pinaagi sa iyahang napalambo nga kongregasyon.
Lakip sab sa gibutyag ni Tolentino nga bisan pa man nga wala mi-file ug COC isip pagka senador si kanhing Pangulong Rodrigo Duterte, aduna man hinuon sumala pay pag-laom ang nasud pinaagi kang pastor Quiboloy, gumikan nga bisan pa man usab nga wala pa kini kaniadto sa pulitika, daghan na sumala pa kini natabangan ug nahimo usab kini nga kaabaga sa pagpanday sa nasud padulong sa kalambuan.
Apan wala usab kini kaikyas sa kritiko, diin daghan ang mitaas ang kilay gumikan na usab sa kasamtangang sitwasyon niini, hilabi na sa padayong ginaatubang sa maong pastor na daghanang mga kaso susama na lamang sa Human Trafficking, child ug sexual abuse ug uban pa.
Hinuon, nunot pa man sa mga kritiko daghan usab ang miuyon sa pagduso ni Quiboloy sa iyahang pagkakandidatura, dugang pa sa pipila ka mga indibidwal nga og tinuod nga adunay 7 million ka mga sumusunod kang Pastor Quiboloy, sumala pa niini nga sigurado na gayud ang pwesto sa maong pastor sa senado.
Kahinumdumang mi file si Quiboloy sa iyahang COC sa The Manila Hotel Tent City, pinaagi sa ‘Special Power of Attorney’.
Samtang gikumperma usab kini ni Commission on Election (Comelec) Chairman George Erwin Garcia nga mipasaka ug kandidatura sa pagka-senador si Kingdom of Jesus Christ Leader Pastor Apollo Quiboloy pinaagi sa iyahang abogado.
Matod pa nagpa-survey ang mga supporters sa pastor kung pabor ba ang publiko nga magpapili kini sa pagka-senador.
Giangkon usab ni chairman Garcia nga gawasnon ang bisan si kinsa nga mupasaka ug COC hangtod nga wala pa kini hukom sa giatubang nga kaso.
Sa karun, si Pastor Quiboloy ang nagpabilin pa gihapon sa Philippine National Police Detention Facility sa Camp Crame, Quezon City gumikan sa daghanang kaso nga giatubang.
