DAVAO CITY- Gipaklaro ni Acting DCPO Director Col.Hansel Marantan nga nagpa-vasectomy si Pastor Quiboloy.
Kini ang tubag sa opisyal atol sa gipahigayon nga press conference diin gibutyag niini nga mipailawom sa maong pamaagi aron nga dili makapamabdos ang nahisgutan nga subay usab kini sa pagsaysay sa mga biktima ngadto kaniya.
Una ng gipangutana ang opisyal kung unsay gidangatan sa mga giingong biktima nga gihilabtan sumala pa ni Quiboloy samtang anaa kini sa KOJC.
Nasayran nga adunay lima ka mga giingong babaeng mga batan-on nga gipahimuslan sumala pa sa Pastor pinaagi sa pakighilawas.
Ang mga biktima ang giingon nga 25-anyos paubos nga una ng midangop kang Marantan gumikan sa ilahang nasinati-an nga pagpangabusong sekswal.
Pipila sumala pa niini nga nagpangidaron ug 12-anyos ug Trese anyos ang nakasinate ug pagpangabuso.
Nasayran nga gikan sa nagkadaiyang kaliwat ang mga biktima nga gilangkuban sa mga European ug American nga sagad anaa sa mga broken family.
Gilhulagway usab niini nga mga maanyag ang mga biktima nga adunay “scheduling system” sa matag adlaw.
Sa pagkakaron anaa na sa luwas nga lugar ug panimalay ang mga nahisgutan alang sa ilahang padayon nga himuong imbistigasyon.
Samtang adunay gilauman pa nga mopatim-aw nga mga biktima samtang nagpadayon ang gihimong imbistigasyon.
