DAVAO CITY- Dead on the spot ang usa ka pasahero sa Taxi human nga gipusil sa usa ka suspek nga nakamotor kaganihang buntag.
Subay sa report sa kapulisan pasado alas dyes ang takna nahitabo ang pagpamusil sa Circumferential road duol sa Chinese Cemetery.
Ang biktima nga lalaki ang sakay sa Speed 13 taxi nga gikan sa gawas sa Korte sa Ecoland ug padulong kini sa Ladislawa ning syudad.
Apan pag-abot sa nasangpit nga lugar, kalit lamang nga nibutho ang mga suspek nga nagsakay ug motorsiklo ug dayon gipusil sa makadaghang hiagayon ang biktima nga miresulta sa iyahang hinanaling kamatayon.
Human sa pagpamusil dali nga misibat ang mga suspek sakay sa wala matino nga motorsiklo ug padulong sa north bound area.
Subay sa mga nakasaksi sa maong panghitabo, ang suspek sa pagpamusil ang nakasuot ug itom nga Jacket nga karon padayon pa nga ginaimbistigahan sa kapulisan.
Narekober sa crime scene ang upat ka mga basyo sa bala nga iya sa punto kwarentay singko nga pistola ug usa ka balinis.
Samtang ang pangalan sa biktima ginasubay na sab karon sa mga otoridad ingon man ang kabanay niini.
