DAVAO CITY – Gikumpirma sa Philippine Drug Enforcement Agency Davao Region (PDEA-11) nga nakasulod na sa siyudad ang party drugs.
Sumala pa kang PDEA-11 Assistant Regional Director Atty. Ben Joseph Tesiorna nga aduna silay nadawat nga impormasyon kalabot sa party drugs dinhi sa siyudad apan dili nila kini masakpan gumikan kay nahisgutan nga grupo ang namaligya lamang sa maong druga sa ilang lamang nga mga kaila.
Subay sa source sa PDEA-11, sagad sa mga nalambigit niini nga minor de edad ug young professionals.
Sa kasamtangan, gipalig-on pa nila ang ilang ebidensiya batok sa mga kabataan nga nalambigit sa party drugs.
Pipila sumala pa sa mga party drugs nga nakasulod sa siyudad ang gilangkuban sa ecstasy ug liquid meth.
Sa kasamtangan, dili una mohatag ug dugang detalye ang PDEA-11 gumikan kay nagtigom pa sila ug dugang ebidensiya sa mga nagdala niini pasulod sa siyudad.
