DAVAO CITY – Dako ang pagsalig sa pamilyang Mangacop ngadto sa National Bureau of Investigation XI , human ni-request ang pamilya niini sa pagbalhin sa imbestigasyon ngadto sa maong ahensya gumikan dili nila masaligan ang kapulisan sa patas nga imbestigasyon.
Gisugdan gilayon kini sa NBI-XI ang ilahang parallel investigation sa pagpusil patay sa 19 anyos nga si Amierkhan Mangacop subay sa mandu gikan sa City Prosecutor’s Office.
Sigon ni Atty. Gibb Andrew Cabahug, nagtuo kini sa katakus ug kahanas sa NBI nga makahimo og hingpit, patas ug tinud-anay nga imbestigasyon.
Gibutyag ni Ely Leano, NBI XI spokesperson, magpahigayon sila’g reenactment sa insidente karong Lunes base sa mga pamahayag sa mga saksi.
Dugang pa sa opisyal, nga mupahigayon sab sila’g lalom nga imbestigasyon sa insidente ug paniguraduhong matunol ang hustisya.
Paningkamutan sa NBI XI nga sulod sa 10 ka adlaw masumite nila sa piskalya ang resulta sa ilahang gipahigayong parallel investigation.
Via || Hana Rallos
