Gipahayag sa Presidential Anti-Organized Crime Commission (PAOCC) nga pipila sa ilahang ginsakpan ang nakadawat ug death threats gumikan sa ilahang imbestigasyon sa mga iligal nga Philippine Offshore Gaming Operator (POGO) hubs.
Gumikan niini, gipahayag ni PAOCC spokesperson Winston John Casio nga kanunay silang nakaalerto sa mga posibleng mahitabo. Ang PAOCC mao ang nagpaluyo sa pipila ka dagkong pag-aresto sa mga POGO hub nga nalambigit sa kriminal nga hinimo-an, lakip na ang mga anaa sa Bamban, Tarlac ug Porac, Pampanga.
Gumikan sa nahisgutang mga operasyon, libo-an ka mga Pilipino ug foreign nationals lakip na ang mga Intsik, Malaysians ug Vietnamese ang na-rescue. Samtang ang uban usab sa mga na-rescue ang biktima sa torture ug kidnapping.
Gikanayon usab sa tinubdan , ang usa ka civilian agency lamang ug ang ilahang mga sakop ang mga analyst lamang nga sagad wala nagagamit ug armas sa mga raid operation.
Unang gipahayag sa PAOCC nga mukabat sa 300 ka mga POGOs ang iligal nag-operate sa nasud nga nagdumili pagsunod sa regulasyon sa Philippine Amusement and Gaming Corporation (PAGCOR).
