DAVAO CITY – Gibutyag ni Senator Christopher Lawrence “Bong” Go nga wala pa nakadesisyon ni Pangulong Rodrigo Duterte sa nahimong hangyo sa iyang anak nga si Davao City Mayor Sara Duterte-Carpio nga dili na ilakip ang Davao sa martial law sa Mindanao.
Sumala kang Go nga mibati pa gihapon ug kahadlok ang Pangulo sa posibleng spillover.
Apan ang modesisyon sumala pa sa nahisgutan nga butang ang militar, Defense department ug intelligence security council ayha si Pangulong Duterte kung kinahanglan pa nga lugwayan ug tapuson na ang Martial law ilabi na dinhi sa dakbayan.
Gitataw sab sa opisyal nga nagpadayon karon ang terorismo sa pipila ka bahin sa Mindanao gumikan kay nagpadayon karon ang kagubot bisan sa Jolo hinungdan nga adunay posibilidad makasulod pa gihapon sa dakbayan ang mga terorista aron nga dinhi motago.
Gumikan kay ang Mindanao usa ka geographical location, dali lamang sumala pa sa mga terorista nga makasulod ilabi na kung walay nagbantay nga otoridad. Hinuon gidayeg sa senador ang mas gipalambo pa karon nga seguridad sa dakbayan.
