Davao city – Subling nag-motor si outgoing President Rodrigo Duterte kagahapong adlawa paingon sa Tagum City, Davao del Norte.
Sa kuha nga mga video ug pictures sa mga netizen, makita nga nag-enjoy si pangulong Duterte sa iyang pagbyahe kauban ang iyang Presidential Security Group.
Lakip usab sa mga mi-uban ang uban pang mga higala ni Pangulong Duterte nga nagsakay usab sa ilang motor.
Init usab nga gi-atangan mga katawhan ang pag-agi sa pangulo nga mipakayab sa dala nila nga mga gagmay nga flag sa Pilipinas.
Daan na usab nga gikanayon ni senador Bong Go nga mamahimong kanunay na ang pagmotor sa pangulo gumikanb kay magbaton na kini ug taas nga panahon pagkahuman sa iyang termino karong Hunyo 30, 2022.
Kahinumduman nga una na usab nga misuroy si pangulong Duterte sakay sa iyang motor gikan dakbayan sa dabaw paingon sa Digos city sa davao del Sur niadtong nakalabay nga bulan.
