-- ADVERTISEMENT --
DAVAO ORIENTAL- Naluwas ang driver sa panel truck nga nahulog sa pangpang sa may Sitio Dispatching, Brgy. Aliwagwag, Cateel, Davao Oriental, kagahapon sa hapon.
Giila ang nagmaneho niini nga si Ronnie Jay Anib, 33 anyos, residente sa Brgy. Cabidianan, New Corella, Davao del Norte.
Sumala pa sa nahimong imbestigasyon sa mga otoridad, samtang naglawig sa nahisgutang dalan ang panel truck, kalit kining nawad-an og brake rason nga midiritso kini sa pangpang nga miresulta usab sa pagkabuak sa mga karga niining mga case sa softdrinks.
Hinoon, anaa na sa maayong kahimtang ang driver niiini.
Subli usab nga nagpahinumdom ang mga otoridad nga batasanon ang pag check sa sakyanan kung anaa ba kini sa kondisyon ayha mobyahe.
-- ADVERTISEMENT --
