DAVAO CITY- Nahimong malipayon og hugyaw ang pag-abre sa pamulak sa Kadayawan isip usa sa mga culminating event sa 39th Kadayawan Festival ganina pasado alas sais ang takna sa buntag ngadto ala una sa hapon.
Gisalmutan sa daghanang mga private organizations, kompanya ug mga tulunghaan ang maong kalihokan kung diin gikalingawan kini sa kadaghanan gumikan na usab sa makakuyaw niining mga disensyo og sa mga nagkalain-laing mga kolor nga ilahang gipasundayag.
Gani, temporaryong gipapasirad-an sa City Transport and Traffic Management Office (CTTMO) ang mga kadalanan gikan Roxas Ave., nadto C.M.Recto Ave. Lakip na usab ang Bonifacio St., ngadto Pelayo St. hangtud na kana San Pedro St. gikan ganina alas sais sa buntag hangtod sa mahuman ang tanang kalihokan ning adlawa.
Ginalauman usab ang usa ka showdown party nga ipahigayon sa San Pedro Square ning siyudad gikan alas singko-traynta hangtod ala una sa kadlawon kung diin daghanang mga local and national artists ang ginalaumang magperform sa maong kalihokan.
