DAVAO CITY – Nalipay na unta sa nakab-ot nga hustisya si Renato Manila, amahan sa dese sais anyos nga si Rea ‘Yangyang’ Manila nga gilugos ug gipatay sa gikatahapan nga serial rapist James Barete Narte, 35 anyos nga laborer nga napatay human sumala pa mangilog ug armas gikan sa iyang jailer sa Talomo Police Station.
Sumala pa niya nga ang nahisgutan nga kalipay nasagulan na karon ug kabalaka human nga mibahad ang mga Narte nga mokuha gayud sila sa pamilyang Manila sa gidangatan ni James.
Sumala pa kang Renato nga bisan kung hustisya sa kamatayon sa iyang anak ang ilang gipangayo, wala gayud sila misotsot ngadto sa kapolisan aron nga hinaykan ang dinakpan.
Bisan pa niini gawasnon pa gihapon ang pamilyang Narte nga modangop, sama sa CHR kung sa tan-aw nila giyatakan ang tawhanong katungod sa ikang kabanay.
