DAVAO CITY – Gi-kwestiyon karon sa pamilyang Mangacop ang report sa police kalabot sa giingon nga ang suspek nagpabuto sa iyang armas isip usa ka self defense.
Gikanayon ni Atty. Gibb Andrew Cabahug, legal counsel sa pamilya sa biktima, niadtong press conference kagahapon, July 8 , nga ang taho gikan sa Philippine National Police (PNP) sukwahi sa nahitabo atol sa insidente.
Matod kang Cabahug , subay sa report sa kapulisan, nahimong suspek si Mangacop diin ang namusil nga si Marvin Rey Pepino, usa ka doktor nga non-uniformed personnel sa Police Regional Office (PRO)-Davao mao’y nahimong biktima.
Sumala pa sa abogado, kini gumikan gikonsidera sa PNP nga usa kini ka self defense alang sa giakusahan, nahimo hinoong suspek ang biktima nga si Mangacop .
Sigon sa abogado , ang pamilya dili makahimo sa bisan unsang matang sa koneksyon, sukwahi sa pamahayag sa kapulisan ug pipila sa social media.
Gikanayon ni Cabahug nga klaro nga usa ka biktima si Amierkhan.
Matud sa abogado nga mao kini ang hinungdan nga nangayo og tabang ang pamilya sa National Bureau of Investigation (NBI)-Davao aron maoy mopuli sa pag-imbestiga sa kaso tungod sa ilang pagkadiskontento sa narrative nga gipagawas sa media.
Nanawagan sab ang pamilyang Mangacop ngadto sa mga tao nga kauban sa biktima atol sa insidente nga mupadayag sab sa ilang saysay ug makig-alayon kanila.
Via || Hana Rallos
