DAVAO REGION- Naghinam-hinam na ang tibuok pamilya Petecio hilabi na ang inahan ni Nesthy Petecio, nga makita na pag usab ang anak niini human nga miabot na sa Pilipinas ang mga atletang pinoy nga misalmot sa Paris Olympics.
Gipasalamatan sab niini ang naangkon sa anak nga kadaugan.
Sumala ni Nanay Precilla Petecio inahan ni Nesthy, nga bisan bronze medal lamang ang nakuha niini, apan alang sa ilaha giisip na kining bulawang medalya, gumikan sa gihaguan sab kini ni Nesthy nga maangkon ang maong kadaugan nga usa sab nga naghatag ug dugang dungog sa nasud.
Gipangandaman na unta dili lamang mga pamilya ni Nesthy apan lakip na usab ang tibuok Davao Del Sur ang iyang pag uli sa ilang panimalay karong adlawa, apan dili kini madayon gumikan sa pipila ka mga rason, hinunggdan nga na postpone kini ang iyang pag-uli karong Agosto 22.
Nahibal-an sab nga adunay tulo ka mga baboy ang giihaw sa pamilya Petecio sa Davao Del Sur, isip kombira sa ilang pamilya, ,mga higala, silingan ug mga kabanay nga alang unta sa pag uli ni Nesthy Petecio karong adlawa.
Kahinumdumang si Nesthy Petecio nga tubong Davao Del Sur maoy usa sa mga misalmot sa Paris Olympics 2024 ug nakaangkon sab kini ug bronze medal pinaagi sa pagpildi niya sa iyang kasangka nga si Julia Szeremeta nga taga Poland, alang sa women’s 57 kgs. semifinals.
