DAVAO CITY – Gikoronahan na ang mga bag-ong Reyna ng Dabaw karong tuiga atol sa nahitabong coronation night kagabii, Hunyo 22, sa USeP Gymnasium.
Giilang Reyna ng Dabaw 2024 si Rianne Calsa nga taga-Barangay Panacan. Samtang 1st Runner Up ang representante sa Barangay Cabantian nga si Gwen Darwin; ug 2nd Runner Up ang rayna sa Barangay Angliongto nga si Dikko Morano.
Atol sa Question and Answer Portion, hugtanong gitubag sa bag-ong rayna ang pangutana kon paunsaon mapanalipdan ang katungod sa mga myembro sa LGBTQ+ commuity luyo sa mga hagit nga giatubang sama sa diskriminasyon ug pisikal ug sekswal nga pagpangabuso.
Sumala pa ni Rianne, buot niyang ipadayon ang gisugdang pakigbisog sa mga nag-una kaniya sa kampanya alang sa patas nga pagtratar sa mga myembro sa komunidad ug ang pagpakigbisog aron mapasar ang mga balaod alang sa komunidad sama sa SOGIE bill.
Kabahin ang maong koronasyon sa pagsaulog sa Duaw Davao 2024.
