Gipasalig ni Mindanao Development Authority (MinDA) chairperson Secretary Leo Tereso Magno nga magpadayon ang programa sa gobyerno nga pabalay kon Pambansang Pabahay para sa Pilipino (4PH) ni Pang. Ferdinand Marcos Jr.
Ginakayon ni Magno nga ang City Government of Davao ug National Housing Authority (NHA) ang kasamatangan nga nagtinabangay kabahin sa yuta nga gamiton sa maong proyekto.
Ang 4PH Program nagtumong sa pag-establisar sa gitawag nga livable communities aron sa paghatag ug disenteng balay alang sa mga kabus nga mga Pilipino.
Gidugang pa ni Magno nga ang mga panimalay pagatukuron kini sa Department of Human Settlements and Urban Development (DHSUD).
Nasayran nga usa sa mga lokasyon sa maong proyekto dinhi sa dakbayan ang Lasang, nga pagatukuran ug 7,000 units.
Sa pagkakaron ginahulat na lamang sumala pa ang bag-ong Memorandum of Agreement (MOA) ug sumala pa sa opisyal nga suportado sumala pa kini ni mayor Sebastian Duterte niadtong nagkahinabi sila kabahin sa maong proyekto.
Gihangyo sab ni Sec. Magno si DHSUD Secretary Jose Rizalino ‘Jerry’ Acuzar nga paspasan ang maong proyekto alang sa kaayuhan sa mga Dabawenyos.
Gipaklaro sab niini nga kini nga proyekto bayaran sa gamay’ng kantidad nga P3,000 to P3,500 matag bulan ug susama ang desinyo niini sa usa ka condo ug walay downpayment.
Usa sa mga requirements aron nga maka-avail sa maong programa kinahanglan nga myembro sa PagIBIG ang aplikante, adunay application form, ug kinhanglan sab ang certificate of employment.
