DAVAO CITY – Andam na ang ahensiya sa City Social Services and Development Office (CSSDO) sa ipahigayon nga ‘Pamasko sa mga lumad’ nga sugdan sa Disyembre 2 hangtud Disyembre 16.
Ang nahisgutan nga programa una ng ginapatuman sa dakbayan sa milabay nga mga katuigan aron nga dili na matud pa mokanaog sa dinhi sa patag ang mga lumad aron nga mamasko nga mamahimong makapabutang kanila sa risgo ilabi na kung mamasko sila sa mga kadalanan.
Sumala pa kang Marilyn Agonia, Asst. Dept. head sa CSSDO, nga anaa sa 2,000 ka mga food packs ang ilang ihatag sa mga lumad matag adlaw sa mga lugar nga ilang bisitahon.
Partikular nga bisitahon sa ahensiya ang Marilog, Paquibato ug Baguio District.
Gawas sa mga gi-andam nga programa ug pahalipay laoman sab nga makabenepisyo ang mga lumad sa ipahigayon nga mga medical mission.
