Palasyo mipahimangno sa publiko nga dili magpanic-buying

Mipahimangno karon ang Malacañang sa publiko nga dili mag-panic buying tungod sa krisis sa Tungang Sidlakan.

Sumala ni Palace Press Officer Undersecretary Claire Castro, aduna’y igong suplay sa petrolyo ug sa mga nag-unang palaliton.

Normal lamang matud pa nga mag-andam ang gobyerno sa posibleng epekto sa krisis sa Tungang Sidlakan, apan dili kini pasabot nga kinahanglan nga mag-panic buying.

Gipasalig pa usab sa Department of Trade and Industry (DTI) nga walay pagtaas sa presyo sa mga nag-unang palaliton sa nasod.

Gihangyo usab ang publiko nga i-report sa otoridad ang bisan kinsa nga negosyante nga magpahimulos sa nagpadayon nga kagubot sa Tungang Sidlakan.