DAVAO REGION- Gikasubo sa usa ka miyembro sa IP nga nagpuyo sa Kitbog ang matud pa wala pagpangayo ug pasaylo sa mga kapulisan gumikan sa kalit-kalit kining misulod sa ilang panimalay, nga diin maoy nahimong hinungdan nga nakuratan ug na trauma ang asawa ug amahan niini, ug pipila ka mga adlaw ang nakalabay nakutluan ra usab kini ug kinabuhi.
Nahitabo kana kaniadtong Hunyo 10 nga diin atol usab kana sa pagsilbi ug arrest warrant kang Pastor Apollo Quiboloy ug mga kaubanan niini, pinaagi ug excessive force.
Sumala pa sa maong myembro sa Indigenious People, mao gayud ang iyang gitumbok nga hinungdan sa hinanaling kamatayon sa iyang asawa ug amahan, nga bisan sorry kon pasaylo wala kini madungog gikan sa kapulisan.
Dako sab ang iyang gikatingad-an sumala pa kay layo ra matud pa ang compound sa KOJC sa Kitbog ug sa ilahang balay, nga maoy hinungdan nga nahibulong kini nganong naabot ug pangita ang mga kapulisan didto sa ilahang panimalay.
Gikanayon sab niini nga na trauma gayud ang iyang asawa ug ang iyang amahan, gumikan kay walay mga nameplate matod pa ang mga pulis nga misulod sa ilang panimalay niadtong mga tungura ug maoy usa sa nakapabalaka sa mga nahisgutan.
Gipaklaro niini nga namatay ang iyang asawa ug amahan gumikan gayud sa trauma nga ang gitumbok nga hinungdan, mao ang kalit-kalit nga pag adto sa mga pulis sa ilahang panimalay.
