DAVAO CITY – Nanawagan karon ang grupong Interface Development Interventions (IDIS) ngadto sa mga opisyal sa lokal nga panggamhanan nga kinahanglan tutokan ang operasyon sa mga quarry sa siyudad.
Kini ang gibutyag sa grupo sanglit dili na sumala pa sila makasiguro kung mitamud ba ang mga operators sa quarry dinhi sa siyudad sa 10 cubic meters nga pagkubkob og sand and gravel matag tuig.
Sumala sa IDIS nga posibleng kadaghanan sa mga quarry operators ang wala na mitamud sa kamandoan sanglit pipila niini ang naga-operate panahon sa kagabhion ug dili na kini mabantayan.
Tungod niini, posibleng aduna na kini environmental impacts sama sa noise pollution ug dust pollution.
Una na sab nga gibutyag ni Chinkie Peliño-Golle, executive director sa IDIS nga nakiglambigit na sila sa City Environment and Natural Resources Office (CENRO) kalabot sa maong isyu ug misaad sumala pa kini mga mohimo ug capacity study sa quarry site sa siyudad.
