DAVAO CITY – Gilantaw karon sa lokal nga kagamhanan sa dakbayan sa dabaw ang pag-regulate sa gidak-on sa mga billboards nga itukod sa syudad.
Na-una nang gikanayon ni Mayor Inday sara duterte Carpio nga ang city council pinaagi sa Committee on Peace and Public Safety sa pagpanguna ni Councilor Mabel Acosta, ang mihimo na ug mga lakang alang sa amendment sa pipla ka mga ordinansa sa syudad may kalabutan sa construction ug regulation sa mga billboards sa syudad.
Sumala sa mayor nga kinahanglan ang pagpahimutang ug standard size ug gitas-on sa mga billboard towers.
Mopahigayon sumala pa ang komitiba ug kanunay nga dayalogo tali sa lain-laing mga billboard owners sa pag-amyenda sa Signage Ordinance sa Davao City nga napanday niadtong tuig dos mil.
Kahinumduman nga gipatuman ang pagguba sa mga billboard structures niadtong Sept 9 sa Bankerohan, Sandawa Road, ug Bolton Bridge gumikan sa pagbabag niini sa mga view sa Mt. Apo ug sa Island Garden City of Samal (Igacos).
Dugang pa ni Mayor Inday Sara nga usahon sa amendments ang regulation sa bag-ong matang sa billboards ug sa uban pang mga signages.
