Gikwestyun sa usa ka political analyst ang pagtuboy kay Senator Sonny Anggara isip bag-ong secretary sa Department of Education.
Sumala pa ni Political Analyst Ramon Belleno III, qualified ang nahisgutang senador kung basehan ang educational background ug experiences niini, apan dili sa pipila ka rason.
Una, kinahanglan mo-resign ang nahisgutan isip senador sa nasud kung molingkod kini isip kalihim sa Department of Education gumikan adunay separation of powers nga balaod ang Pilipinas kung asa gidid-an ang kinsa mang myembro sa legistative nga mahimong myembro sa executive.
Gikatingad-an matud pa ni Beleno ang maong lakang sanglit aduna pay usa ka tuig si Anggara sa iyang katungdanan isip senador. Matud pa nga dili basta-basta mahimong senador sa nasud gumikan nigasto ug gipili ka sa katawhan atol sa eleksyon aron lamang nga magserbisyo ubos sa mando sa pangulo.
Ikaduha, dako matud pa og parte ang senador sa pagtoon sa Charter Change gumikan nagsilbi kining chair sa committee nga nagahimo og diskusyon kabahin sa economic provision sa Cha-Cha diin posibleng maimpluwensyahan ang desisyon niini nga walay pagkonsulta gikan sa katawhan.
Gikanayon sab sa political analyst nga mas maayong dili unta gikan sa politika ang gipili aron dili kini mabahiran og mga anomalya kabahin sa politika.
Hinoon, malaumon gihapon si Beleno sa mga mamahimong programa ni Anggara sa Department of Education hilabi na sa pagtubang sa mga panginahanglan sa pipila ka mga magtutudlo ug estudyante.
