DAVAO CITY – Gipasalig ni Major Gen. Jose Faustino Jr. nga isip bag-ong commander sa EastMinCom, paningkamutan niya nga matapos na ang suliran sa insurhensiya sulod sa Eastern Mindanao ingon man ipadayon ang mga programa sa kagamhanan nga makatabang ngadto sa mga komunidad ilabi na kadtong nahimutang sa mga hilit nga dapit sa Davao region.
Mapasalamaton si Maj. Faustino sa iyang pamilya ingon man sa suporta nga gihatag kaniya sa kasundalohan.
Samtang nagtuo sab si bag-ong AFP chief of staff Gen. Felimon Santos Jr. nga mahimo ni Faustino ang bag-ong tahas nga gihatag kaniya ug mahatagan og kasulbaran ang pipila ka mga suliran sa Davao region ilabi na ang insurhensiya.
Nanawagan si Santos ngadto sa publiko ilabi na sa mga lugar nga sakop sa EastMinCom nga ipadayon ang suporta ngadto sa bag-ong liderato aron nga magpadayon sab ang kahusay ug kalinaw sa rehiyon.
