DAVAO CITY – Gisaway sa environmental group ang liderato sa House of Representatives sa pagtangtang kang Bayan Muna Rep. Carlos Isagani Zarate kauban ang laing napulo pa ka mga magbabalaud sa ilang komitiba nga gihuptan.
Matud pa sa Kalikasan People’s Network for the Environment, dako sumala pa ug natabang si Zarate aron lamang mapalabang sa kongreso ang balaudnon partikular na ang pro-people mining bills.
Matud pa kang Leon Dulce, campaign coordinator sa Kalikasan PNE, nga dakong tabang ang baludnon nga giduso ni Zarate aron nga ma-re-orient ang mining industry aron nga dili kini mohatud ug grabe nga kadaut sa kinaiyahan.
Kahinumduman nga una ng gibutyag sa kongresista nga iya ng gilaoman ang pagtagtang kaniya human nga wala misuporta sa sugyot nga pagbuhi sa silot kamatayon sa nasud.
Hinuon wala sumala pa siya natarug ug pabilin nga barugan ang ilang nahimong desisyon sa iyang mga kaubanan nga dili suportahan ang gitawag nila nga anti-poor death penalty bill.
