DAVAO REGION- Gisaysay ni Davao del Norte Governor Edwin I. Jubahib ang kabahin usab sa iyang kalambigitan atol sa pagtahan ni Pastor Apollo Quiboloy ug sa lain pang upat ka mga kaubanan niini.
Gibutyag niya nga niadto pang Agosto 30 sumala pa nahitabo ang negosasyon alang sa pag surender ni Pastor Quiboloy, apan hesitant sumala pa ang habig sa Philippine Army lakip na usab kang Atty. Israelito Torreon.
Dugang pa niini nga niadtong adlawong sabado Setyembre 7 mao sumala pa kadto ang nahimong semi-final nga pakig-negosasyon.
Gikanayon sumala pa sa Army nga dili sa matud pa nila hibal-on ang location ni Pastor Quiboloy gumikan basin ug adunay matigayon nga kaguliyang sa pag balhin niini.
Giklaro sab ni Jubahib ang kabahin sa resulta sa ilahang negosayon nga diin kung ugaling anaa na sa kamot karun sa ISAFP sila Pastor Quiboloy, pwedi na sumala pa nga tawagan na si General Silo ug si General Torre ug tanang PNP Commanders nga na assign sa Davao Region aron nga makompirma na nila nga anaa na sa kostudiya si Pastor Quiboloy.
Sukwahi kini sa una nang gibutyag usab nga statement sa kapulisan nga wala matud pa misurender si Pastor Quiboloy, ug giaresto matud pa kini nila gumikan nga gihatagan sumala pa nila ug 24 hours nga ultimatum ang mga taga KOJC.
